Plantun de Prouvènço

Pèr coumpara dos planto d'encò nostre

Jacobaea erratica & Orthotrichum affine

Erbo-de-sant-Jaume(-bastardo)

Jacobaea erratica

Asteraceae Compositae

Autre noum : Seniçoun(-barrulaire).

Noms en français : Séneçon erratique, Séneçon à feuilles de barbarée.

Descripcioun :
Planto pulèu grando que flouris un pau tard dins l'estiéu e en autouno. Se destrìo dis àutri Jacobaea e Senecio subretout emé si fueio que lou darrié fueioun èi bèn mai grand que lis autre (fotò). Peréu sa souco reballo pas au sòu coume lou seniçoun-di-fueio-de-rouqueto.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 40 à 200 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Jacobaea
Famiho : Asteraceae
Famiho classico : Compositae
Tribu : Senecioneae

Coulour de la flour : Jauno
Petalo : >6
Ø (o loungour) enflourejado : 15 à 20 mm
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun

Liò : Prado umido - Ribiero
Estànci : Termoumediterran à Mountagnard
Couroulougi : Éurimediterranenco
Ref. sc. : Jacobaea erratica (Bertol.) Fourr., 1868 (= Senecio erraticus Bertol., 1810 )

Flouquet-aparenta

Orthotrichum affine

Orthotrichaceae

Nom en français : Houppe affine.

Descripcioun :
Aquelo mousso, coume la mage part dis Orthotricum, trachis sus li pège d'aubre (éuse, roure...). Se recounèis à sis fueio recurvado longo de 3 à 3,5 mm e acabado émé un pouncho verdo (e pas ialino), e peréu à soun urno aranjado di vue rufo en long.

Usanço :
Lis àutris Orthotricum coumun de pège podon agué un pouncho ialino (Orthotricum diaphanum) o uno urno lisco (Orthotricum striatum).
Orthotricum lyelii fai de proupagulo. Se destrìo seguramen bonodi la formo de sis estoumato.